Sunday, December 4, 2016

Mamia wamuaga Mzee Mzimba, azikwa kijijini kwake Msoga

 Jeneza lililokuwa na mwili wa aliyekuwa Mwenyekiti wa Kundi la Yanga Asili, marehemu Yusuf Mzimba nyumbani kwa mtoto wake Magomeni jijini Dar es Salaam, kabla ya kusafirishwa kwa mazishi katika kijiji cha Msoga, Chalinze mkoani Pwani. (Picha na Francis Dande).
 Mchezaji wa zamani wa timu ya Yanga na  Taifa Stars,  Abeid Mziba (kushoto), akimfariji Ramadhan Yusuf 'Kampira' ambaye ni mtoto wa aliyekuwa Mwenyekiti wa Kundi la Yanga Asili, marehemu Yusuf  Mzimba jijini Dar es Salaam jana, kabla ya mwili wake kusafirishwa kwa mazishi Msoga, Chalinze Mkoa wa Pwani. 

Mzee Ibrahim Akilimali (kushoto), akifurahia jambo na wazee wenzake katika msiba wa mzee Yusuf Mzimba. Katikati ni Said Motisha.
 Kisomo kikisomwa.
 Mzee Ibrahim Akilimali akisoma wasifu wa marehemu Yusuf Mzimba.
 Wakiombea Dua mwili wa marehemu.
 Safari ya kuelekea Msoga ikianza.

NA FRANCIS DANDE
 MAMIA ya wakazi wa jiji la Dar es Salaam, jana walijitokeza kwa wingi kuaga mwili aliyekuwa Mwenyekiti wa Kundi la Yanga Asili, marehemu Yusuf Mzimba, uliosafirishwa kutoka nyumbani kwa mtoto wake, Ramadhan Yusuf ‘Kampira’, Magomeni jijini Dar es Salaam leo.
Marehemu alifariki juzi na amezikwa jana katika makaburi ya familia yaliyopo kijijini kwake, Msoga, Chalinze, mkoani Pwani.
Akizungumza na mwandishi wa habari hizi, mtoto wa marehemu mzee Mzimba, Kampira alisema kuwa baba yake  alikuwa anasumbuliwa na maradhi kwa muda mrefu na kwamba ameacha watoto sita.
Kampira aliongeza kuwa, Rais mstaafu wa awamu ya nne Jakaya Kikwete ataongoza waombolezaji katika maziko hayo, yatakayofanyika katika makaburi ya familia yaliyopo kijijini Msoga.
Akisoma wasifu wa marehemu, Mzee Ibrahim Akilimani alisema kwamba marehemu alikuwa mwanachama wa siku nyingi wa Yanga na amewahi kushika nyadhifa mbalimbali katika klabu ya Yanga ikiwemo nafasi ya umeneja.
Alibainisha ya kuwa, Mzee Mzimba aliwahi pia kuwa Katibu Mwenezi wa Yanga na mtu ambaye alikuwa na misimamo katika kuipenda Yanga na hakubadilika katika kuitetea klabu yake ya Yanga. 
Pia alitoa mchango mkubwa ndani ya Yanga na hasa ulipotokea mgawanyiko mkubwa uliodumu kwa miaka 7 na kuibuka makundi ya Yanga Asili na Yanga Kampuni. 
Mzee Akilimali aliongeza kwamba, licha ya kuibuka kwa migogolo ndani ya klabu hiyo, lakini Mzee Mzimba alibaki na msimamo wake mpaka leo na kuwa Yanga kitu kimoja.
“Mtu kama Yusuf Mzimba alivyokuwa maarufu kwa Yanga leo hebu nitazamieni hao viongozi wa Yanga wako wapi, tumeondokewa na wapenzi wa Yanga kama Ismail Idrissa, Bilal Hemed Chakupewa hakuonekana hata kiongozi hata mmoja, naamini hata Ibrahim Akilimali akifa, hatoonekana kiongozi yeyote wa Yanga,” alisema.
Mzee akilimali alisema kuwa Yanga ilianzishwa na wazee mwaka 1935 ikiwa na lengo la kujuana, kuzikana, kusaidiana kufurahi pamoja, lakini leo imekuwa hawajuani. 
Aidha amewasihi wana Yanga kutopoteza adhima ya kuanzishwa kwa klabu hiyo.
Naye mchezaji wa zamani wa Taifa Stars na Yanga, Abeid Mziba alisema kuwa: “Katika miaka ya 80 wakati najiunga na Yanga, Mzee Mzimba ni miongoni mwa wazee walionipokea, kwa kweli tumepoteza nguzo muhimu sana ndani ya Yanga na katika familia ya mpira kwa ujumla.”
Naye Mzee wa Yanga, Hashim Mhika alisema kuwa alimfahamu siku nyingi mzee Mzimba kutokana na misimamo yake pia alisema kuwa katika serikali ya Kikoloni, Mzee Mzimba aliwahi kuwa Mkuu wa Wilaya (DC), lakini, ameshangazwa kuona hata viongozi wa serikali hawakuonekana katika msiba huo.

CHUO KIKUU ARDHI CHAKAMILISHA UJENZI NA UWEKAJI VIFAA BANDARI YA TANGA

Mkuu wa Chuo Kikuu Ardhi, Mhe. Cleopa Msuya (kushoto) akiwa katika picha ya pamoja na viongozi wengine waliohudhuria kwenye mahafali ya 10 ya chuo hicho akiwemo Kaimu Mwenyekiti wa Baraza la chuo hicho, Prof, Evelyne Ambede (wa pili kushoto), wa tatu kulia ni Naibu Waziri wa Elimu, Sayansi na Teknolojia, Mhandisi Stella Manyanya. Mahafali hayo yamefanyika jana Jijini Dar es Salaam katika viwanja vya chuo hicho.
     Na Jacquiline Mrisho – MAELEZO.
Chuo Kikuu Ardhi kimekamilisha ujenzi na uwekaji wa vifaa katika Bandari ya Tanga ikiwa ni moja ya miradi ya kiutafiti inayofanywa chuoni hapo kwa ajili ya kupima hali halisi ya bahari.
Makamu wa Mkuu wa Chuo hicho, Prof. Idrissa Mshoro ameyasema hayo alipokuwa akisoma hotuba wakati wa mahafali ya 10 ya chuo hicho yaliyofanyika jana chuoni hapo jijini Dar es Salaam.
Prof. Mshoro amesema kuwa pamoja na jukumu la kutoa wahitimu katika fani mbalimbali kwa maendeleo ya nchi pia chuo hicho kina majukumu ya kufanya utafiti na kutoa ushauri wa kitaalam hivyo kupitia Mradi wa Utafiti wa Mabadiliko ya Tabia Nchi uliofadhiliwa na Serikali ya Norway kwa kushirikiana na Serikali ya Tanzania umeweza kufanikisha ujenzi huo.
“Madhumuni ya Mradi huu ni kusaidia kuboresha mawasiliano kati ya Bandari na watumiaji wake kwani taarifa sahihi zitakazotolewa kuhusu hali halisi ya bahari zitasaidia kufanya maamuzi sahihi ya kutumia Bandari hiyo pia, taarifa hizo zitakuwa msaada mkubwa kwa wadau wengine kama wavuvi, watalii pamoja na watafiti mbalimbali,” alisema Prof. Mshoro.
Ameongeza kuwa katika kutoa ushauri na huduma za kitaalam, chuo kimetekeleza miradi mbalimbali ya Serikali, taasisi za Umma na Binafsi katika fani zote zinazofundishwa chuoni hapo hivyo kusaidia katika kuongeza kipato cha chuo kwa ajili ya miradi, kutoa motisha kwa wafanyakazi pamoja na kutoa fursa kwa wana taaluma kupata uzoefu kwa vitendo katika fani mbalimbali walizosomea. 
Aidha, Prof. Mshoro ameishukuru Serikali ya Awamu ya Tano kwa kuendelea kukipatia chuo fedha na misaada mingine kwa ajili ya kuendeshea shughuli za chuo ambapo kwa mwaka wa fedha 2016/2017 Serikali imetengea jumla ya shilingi bilioni 5 kwa ajili ya bajeti ya maendeleo ya chuo hicho.
Akiongelea kuhusu wahitimu, Prof.  Mshoro amefafanua kuwa jumla ya wanafunzi 968 watatunukiwa shahada na stashahada mbalimbali ambapo wanafunzi 868 watatunukiwa shahada za awali, 80 shahada za uzamili, 14 watatunukiwa stashahada pamoja na shahada za uzamivu kwa wanafunzi 6.

Kwa upande wake Naibu Waziri wa Elimu, Sayansi na Teknolojia, Mhandisi Stella Manyanya amesema kuwa bado kuna changamoto kubwa kwa wasichana kujiunga na masomo ya sayansi kwani idadi imeonyesha kuwa wahitimu wa kike ni 320 ambayo ni sawa na asilimia 33 ya wanafunzi wote hivyo ametoa rai kwa wasichana kutumia fursa za kusomea masomo hayo bila kuogopa.
Mhandisi Manyanya amewashauri vijana kujikita kusoma masomo yatakayowapelekea kujiajiri wenyewe kuliko yale yanayohitaji kuajiriwa kwani njia hiyo itasaidia kujikwamua kiuchumi kwa haraka na kuchangia katika maendeleo ya taifa.

RAIS WA ZANZIBAR DKT SHEIN ATEMBELEA MAJENGO MAPYA YA ZIMAMOTO UWANJA WA NDEGE

 Rais wa Zanzibar na Mwenyekiti wa Baraza la Mapinduzi Dk.Ali Mohamed Shein (katikati) akipata maelezo kutoka kwa Kamishana wa Kikoso cha Zima Moto Zanzibar Abdalla Malimosi wakati alipokuwa akiaangalia picha za magari mapya ya kikosi hicho yanayotarajiwa kuwasili hivi karibuni,wakati alipotembelea ujenzi wa majengo mapya ya kikkosi hicho leo huko katika Uwanja wa Ndege wa Kimataifa wa Abeid Amani Karume Wilaya ya Magharibi "A"Unguja
 Rais wa Zanzibar na Mwenyekiti wa Baraza la Mapinduzi Dk.Ali Mohamed Shein (kulia) alipokuwa akizungumza na Viongozi wa Mamlaka ya Viwanja vya Ndege Zanzibar na Uongozi wa Kikosi cha Zima Moto na Uokozi, wakati alipofika kutembelea ujenzi wa majengo mapya ya kikosi hicho leo
 Rais wa Zanzibar na Mwenyekiti wa Baraza la Mapinduzi Dk.Ali Mohamed Shein (kulia) alipokuwa akipata maelezo kutoka kwa Mwenyekiti wa Bodi ya Mamlaka ya Viwanja wa Ndege Zanzibar Abdulghani Himid Msoma wakati alipowasili katika Ofisi za Mamlaka hiyo akiwa katika ziara ya kutembelea majengo mapya ya kikosi Zima Moto na Uokozi katika Uwanja wa Ndege wa Kimataifa wa Abeid Amani Karume huko Kisauni Wilaya ya Magharibi "A"Unguja leo
 Rais wa Zanzibar na Mwenyekiti wa Baraza la Mapinduzi Dk.Ali Mohamed Shein (katikati) alipokuwa akizungumza na Uongozi Mamlaka ya Viwanja wa Ndege Zanzibar na Uongozi wa Zima Moto na Uokozi  mara  alipowasili katika Ofisi za Mamlaka hiyo akiwa katika ziara ya kutembelea majengo mapya ya kikosi Zima Moto na Uokozi  katika Uwanja wa Ndege wa Kimataifa wa Abeid Amani Karume huko Kisauni Wilaya ya Magharibi "A"Unguja leo
 Jengo hili kama linavyoonekana baada ya kumalizika  Ujenzi wake  ambapo Kikosi cha Zimamoto na Uokozi   itakuwa ni Ofisi ya Kikosi hicho.
 Rais wa Zanzibar na Mwenyekiti wa Baraza la Mapinduzi Dk.Ali Mohamed Shein (wa pili kushoto) akiangalia baadhi ya Vyumba vya Ofisi mpya ya Kikosi cha Zimamoto na Uokozi katika Uwanja wa Ndege wa Kimataifa wa Abeid Amani Karume huko Kisauni Wilaya ya Magharibi "A"Unguja leo,(wa pili kulia)Kamishna wa Kikosi hicho Abdalla Malimosi na SACF Simai Haji Simai
 Rais wa Zanzibar na Mwenyekiti wa Baraza la Mapinduzi Dk.Ali Mohamed Shein (katikati) akiangalia Njia za kupitishia Umeme katika jengo jipya la Kikosi cha Zimamoto na Uokozi katika Uwanja wa Ndege wa Kimataifa wa Abeid Amani Karume huko Kisauni Wilaya ya Magharibi "A"Unguja alipotembelea leo alipofanya ziara maalum
 Rais wa Zanzibar na Mwenyekiti wa Baraza la Mapinduzi Dk.Ali Mohamed Shein (wa pili kushoto) akitoa maelekezo kwa Uongozi wa Kikosi cha Zimamoto na Uokozi katika Uwanja wa  Ndege wa Kimataifa wa Abeid Amani Karume alipotembelea kituo kidogo kinachofayiwa matengenezo akiwa katika ziara maalum leo,(kushoto)Kamishna wa Kikosi hicho Abdalla Malimosi na SACF Simai Haji Simai (wa pili kulia)
Rais wa Zanzibar na Mwenyekiti wa Baraza la Mapinduzi Dk.Ali Mohamed Shein (katikati) akipata maelezo kutoka kwa Kamishna wa Kikosi cha Zimamoto na Uokozi Abdalla Malimosi wakati  alipotembelea kituo kidogo kinachofayiwa matengenezo katika Uwanja wa  Ndege wa Kimataifa wa Abeid Amani Karume   akiwa katika ziara maalum leo,(kushoto) Naibu Waziri wa Ujenzi,Mawasiliano na Usafirishaji Mhe,Mohamed Ahmed Salum,(wa pili kushoto) Waziri wa Nchi Ofisi ya Rais,Tawala za Mikoa,Serikali za Mitaa na Idara Maalum za SMZ Mhe,Haji Omar Kheri. Picha na Ikulu.

WAZIRI MKUU AAGIZA UCHUNGUZI UJENZI WA HOSPITALI YA WILAYA YA MONDULI

WAZIRI MKUU Kassim Majaliwa amemuagiza Mkuu wa Mkoa wa Arusha Bw. Mrisho Gambo kufanya uchunguzi na kumpelekea taarifa ya watendaji waliohusika katika ubadhirifu wa fedha za ujenzi wa mradi wa hospitali ya wilaya ya Monduli uliogharimu sh. bilioni 2.7.
Ametoa agizo hilo leo (Jumapili, Desemba 4, 2016) wakati akizindua hospitali ya wilaya ya Monduli ambayo katika ujenzi wake kulitakiwa kuwe na jengo la maabara ambalo halipo na fedha zimeisha.
"Mkuu wa Mkoa shirikiana na Sekretarieti yako kufanya uchunguzi na atakayebainika kuhusika kwenye ubadhirifu huu achukuliwe hatua za kisheria kwa sababu ujenzi huu ulihusisha na jengo la maabara lakini tayari mradi umekamilika na hakuna jengo la maabara," amesema.
Naye Mkuu wa mkoa huo Bw. Gambo amesema tayari wameanza kufanya uchunguzi wa ujenzi wa mradi huo baada ya kubaini kuwa umetumia kiasi cha fedha kilichotumika hakilingani na thamani ya mradi huo.
Mkuu huyo wa Mkoa ameahidi kufuatilia suala hilo na uchunguzi utakapokamilika taarifa hiyo itapelekwa kwa Waziri Mkuu.
Awali, Mganga Mkuu wa Hospitali hiyo, Zaveri Benela akisoma taarifa ya hospitali hiyo inakabiliwa na changamoto ya jengo la upasuaji karibu na wodi ya wazazi hali inayowalazimu kuwasafirisha wagonjwa umbali wa zaidi ya mita 300 hadi kwenye jengo la upasuaji lililopo katika majengo ya zamani.
Pia kukosekana kwa jengo la wagonjwa wa nje na jengo la maabara kwenye majengo hayo mapya hali inayochangia huduma kutolewa kwenye maeneo miwili tofauti kwa wakati mmoja yaani katika wodi mpya na majengo ya zamani na hali hivyo inaleta usumbufu kwa wagonjwa.
Katika hatua nyingine Waziri Mkuu  ametoa siku saba kwa Mkuu wa Wilaya ya Monduli, Bw. Idd Kimanta kumaliza tatizo la  mgogoro wa ardhi katika kijiji cha Emairete kilichopo Monduli juu mkoni hapa  baada ya kudumu kwa miaka 20.
Mgogoro huo ni wa shamba kubwa ambalo awali lilikuwa linamilikiwa na kampuni ya bia ya Breweries na kisha  kurejeshwa kwa kijiji hicho ambapo viongozi wa viongozi wa zamani wa  Kijiji hicho walijimilikisha kinyemela.
Waziri Mkuu alitoa agizo hilo baada ya kusimamishwa na wanakijiji hao waliokuwa  wamebeba mabango ya kumuomba  msaada wa kutatuliwa kwa mgogoro huo wakati anatoka kudhuru kaburi la Waziri Mkuu wa zamani Hayati Moringe  Sokoine.
Waziri Mkuu alimtaka mkuu huyo wa wilaya kueleza sababu za kwa ya nini uongozi wa wilaya umeshindwa kutekeleza maagizo yaliyotolewa na Waziri wa Ardhi, Nyumba na Maendeleo ya Makazi,  William Lukuvi ambaye alifika kijijini hapo na kutoa maelekezo.
Baada ya maelekezo hayo Waziri Mkuu aliwataka wananchi hao kuendelea kuwa na imani ya Serikali ya awamu ya tano  inayoongozwa na Mheshimiwa Rais Dk. John Magufuli ambayo ipo kwa ajili ya kuwasaidia wananchi hasa wanyonge.
Kwa upande wake Mkuu wa wilaya hiyo amekiri kuwepo kwa mgogoro huo kwa miaka 20 na kwamba Waziri Lukuvi alitoa maelekezo ambayo halmshauri inayafanyia kazi na imeshindwa kuleta majibu kwa wananchi hao kutokana na ziara ya Waziri Mkuu ambaye aliwataka watekeleze majukumu yao na wasitumie ziara yake kama kisingizio.
Katika hatua nyingine Waziri Mkuu amesema Serikali na Watanzania wote wanatambua  na kuiheshimu kazi nzuri iliyofanywa na hayati Sokoine kwa Taifa kipindi cha uhai wake na itaendelea kuienzi. Pia  Serikali itaendelea kushirikiana na familia katika mambo mbalimbali.
Wakati huo huo, WAZIRI MKUU Kassim Majaliwa amemwagiza Mganga Mkuu wa Mkoa wa Arusha, Dk. Frida Mokiti  kubadilisha uongozi wa  Kituo cha afya cha Levolosi baada ya kulalamikiwa na wananchi kuwa kinatoa huduma mbovu kwa wagonjwa hususan ni kwa wajawazito.
Pia amewataka wakurugenzi wa Halmashauri zote nchini kujenga hospitali za wilaya ili kupunguza msongamano wa wagonjwa kwenye hospitali za rufaa.
Waziri Mkuu ametoa maagizo hayo leo (Jumapili, Desemba 4, 2016)  wakati alipotembelea  Hospitali ya mkoa ya Mount  Meru, ambapo alisema 
tatizo la msongamano wa wagonjwa hospitali za rufaa na hospitali nyingine ni lazima lipatiwe ufunguzi.

"Hatuhitaji kuwa na madaktari ambao wanasumbua wagonjwa. Daktari wa Mkoa hakikisha kile kinacholalamikiwa kule Levolosi kinatafutiwa ufumbuzi. Hapa Mount Meru hakikisheni mnaboresha mazingira ya vyoo kwenye wadi  za wazazi pamoja na kujenga sehemu ya kuoshea vyombo kwa wagonjwa, " alisema.
Awali alipotembelea wodi ya kinamama wanaosubiri kujifungua, mmoja wa wagonjwa, Glory Paul Mkazi wa Olasiti alimweleza Waziri Mkuu kuwa mtoto wake alifia tumboni baada ya wauguzi na  madaktari wa kituo cha Afya cha Levolosi  kuchelewa kumpatia matibabu.
"Wakati nahudhuria kliniki nishaambiwa na daktari kuwa natakiwa kujifungua kwa njia ya upasuaji na siwezi kujifungua kwa njia ya kawaida nilimwambia nesi kuwa  natakiwa kufanyiwa upasuaji wakanikatalia na kunilazimisha nijifungue kwa njia ya kawaida ambapo ilishindikana na baada ya muda waliniambia kuwa mtoto amekufa na wananifanyia upasuaji ili kuokoa maisha yangu," amesema..

Kwa upande wake Mkurugenzi wa Jiji la Arusha, Athumani Kihamia alisema amepokea maagizo ya Waziri Mkuu, ambayo yanalenga kuboresha utoaji wa huduma bora kwa wananchi na kusisitiza kuwa awali alichukua hatua za kinidhamu kwa watoa huduma za afya kituoni hapo na ataendelea kusimamia nidhamu ya kazi ili kuondoa malalamiko kwa wananchi juu ya huduma za afya.

IMETOLEWA NA:
OFISI YA WAZIRI MKUU
JUMAPILI, DESEMBA 4, 2016.

MAHAFALI YA SKULI YA FEZA ZANZIBAR YAFANYIKA

Wahitimu wa Kidato cha Nne katika Skuli ya Feza Zanzibar (Private) ya Chukwani Wilaya ya Magharibi Unguja wakiwa katika mahfali wanafunzi wa Kidato cha 4,6 na 7 iliyofanyika juzi,ambapo mgeni rasmi alikuwa Waziri wa Elimu na Mafunzo ya Amali Mhe,Riziki Pembe Juma,
Wanafunzi wa Darasa la Sita na Saba katika Skuli ya Feza Zanzibar (Private) wakiimba wimbo maalum wakati wa Mahafali ya wanafunzi wa Kidato cha 4 ,6 na 7 Mwaka 2016 iliyofanyika katika Skuli hiyo iliyopo Chukwani Wilaya ya Magharibi juzi.
Waziri wa Elimu na Mafunzo ya Amali Mhe,Riziki Pembe Juma akimpongeza Mtoto wa darasa la 5 Zahra Zahir aliyesoma Utenzi katika sherehe za Mahfali ya Skuli ya Feza Zanzibar (Private) kwa wanafunzi wa Kidato cha 4,6 na 7 mwaka 2016,iliyofanyika juzi Skulini hapo Chukwani Wilaya ya Magharibi.
Waziri wa Elimu na Mafunzo ya Amali Mhe,Riziki Pembe Juma akimpongeza Mtoto wa darasa la 4 Latifah Mohamed Abdulrahman aliyeimba Wimbo wa Kizungu (ENGLISH SONG) katika sherehe za Mahfali ya Skuli ya Feza Zanzibar (Private) kwa wanafunzi wa Kidato cha 4,6 na 7 mwaka 2016,iliyofanyika juzi Skulini hapo Chukwani Wilaya ya Magharibi.
Baadhi ya Wahitimu wa darasa la Sita katika Feza Zanzibar (Private) wakiwa katika sherehe za Mahfali ya Skuli ya Feza Zanzibar (Private) kwa wanafunzi wa Kidato cha 4,6 na 7 mwaka 2016,iliyofanyika juzi Skulini hapo Chukwani Wilaya ya Magharibi.
Waziri wa Elimu na Mafunzo ya Amali Mhe,Riziki Pembe Juma alipokuwa akitoa hutuba yake wakati wa sherehe za Mahfali ya Skuli ya Feza Zanzibar (Private) kwa wanafunzi wa Kidato cha 4,6 na 7 mwaka 2016,iliyofanyika juzi Skulini hapo Chukwani Wilaya ya Magharibi.
Baadhi ya waalimu waliopewa zawadi katika sherehe za Mahfali ya Skuli ya Feza Zanzibar (Private) kwa wanafunzi wa Kidato cha 4,6 na 7 mwaka 2016,iliyofanyika juzi Skulini hapo Chukwani Wilaya ya Magharibi,ambapo mgeni rasmi alikuwa Waziri wa Elimu na Mafunzo ya Amali Mhe,Riziki Pembe Juma.
Waziri wa Elimu na Mafunzo ya Amali Mhe,Riziki Pembe Juma (wa pili kulia) akimkabidhi cheti mmoja wa wanafunzi wa Darasa la saba katika sherehe za Mahfali ya Skuli ya Feza Zanzibar (Private) kwa wanafunzi wa Kidato cha 4,6 na 7 mwaka 2016,iliyofanyika juzi Skulini hapo Chukwani Wilaya ya Magharibi,(kulia) Mwalimu Mkuu Ally Yussuf Nungu.
Waziri wa Elimu na Mafunzo ya Amali Mhe,Riziki Pembe Juma (kushoto) akimkabidhi cheti mmoja wa wanafunzi wa Kidato cha Nne katika sherehe za Mahfali ya Skuli ya Feza Zanzibar (Private) kwa wanafunzi wa Kidato cha 4,6 na 7 mwaka 2016,iliyofanyika juzi Skulini hapo Chukwani Wilaya ya Magharibi,(katikati) Mwalimu Mkuu Ally Yussuf Nungu.

WAFANYAKAZI WA VODACOM TANZANIA WATEMBELEA MADUKA YAO KUPATIWA MREJESHO MAENDELEO NA WATEJA WAO

Mkurugenzi wa MM Connects Ltd, Emmanuel Makaki( kushoto) akifurahia tuzo yake ya ubora katika Mauzo ya Rejareja iliyotolewa na Vodacom Tanzania, mara baada ya kukabidhiwa jijini Dar es Salaam mwishoni mwa wiki. Wanaoshangilia ni timu ya wafanyakazi wa kampuni hiyo kitengo cha Mauzo ya Rejareja ambao walitembeklea duka hilo lililopo Kariakoo jijini.
Mkurugenzi wa MM Connects Ltd, Emmanuel Makaki (kushoto) akipokea tuzo yake ya ubora katika Mauzo ya Rejareja iliyotolewa na Vodacom Tanzania, mara baada ya kukabidhiwa jijini Dar es Salaam mwishoni mwa wiki wakati wafanyakazi wa Vodacom kitengo cha mauzo walipotembelea duka la kampuni hiyo lililopo Kariakoo. Anayekabidhi tuzo hiyo ni Mkuu wa kitengo cha Mauzo ya Rejareja wa kampuni hiyo,Brigita Stephen.
Mkurugenzi wa MM Connects Ltd, Emmanuel Makaki (kushoto) akiwakaribisha wafanyakazi wa Vodacom Tanzania kitengo cha Mauzo ya Rejareja wakati waliotembelea duka lake la Vodacom Kariakoo jijini Dar es Salaam leo. Katikati ni Mkuu wa kitengo cha Mauzo ya Rejareja wa Vodacom Tanzania, Brigita Stephen.

Wateja wa Vodacom Tanzania, wakimsikiliza kwa makini Mkuu wa kitengo cha Mauzo ya Rejareja wa Vodacom Tanzania, Brigita Stephen (wa pili kushoto) wakati yeye na timu ya wafanyakazi wenzake wa kitengo hicho walipotemvbelea duka la Vodacom Samora Avenue jijini Dar es Salaam leo.
Mkurugenzi wa Deltaafrica, Mohamme Araz (kulia) na wafanyakazi wenzake wakifurahia tuzo yao ya ubora katika Mauzo ya Rejareja iliyotolewa na Vodacom Tanzania, wakati wafanyakazi wa kitengo cha Mauzo ya Rejareja walipotemblea duka lake la Vodacom Samora Avenue jijini Dar esSalaam leo.
Mkuu wa kitengo cha Mauzo ya Rejareja wa Vodacom Tanzania, Brigita Stephen (kushoto) akimkabidhi mteja wa kampuni hiyo, John Kyashama, wakati timu ya wafanyakazi wa wa kitengo hicho walipotemvbelea duka la Vodacom la Mlimani City jijini Dar es Salaam leo.
Akiwa mwenye furaha ni mteja wa Vodacom Tanzania, John Kyashama (kulia) baada ya kukabidhiwa zawadi na Mkuu wa kitengo cha Mauzo ya Rejareja wa Vodacom Tanzania, Brigita Stephen, wakati timu ya wafanyakazi wa wa kitengo hicho walipotembelea duka la Vodacom la Mlimani City jijini Dar es Salaam leo.

WAZIRI MKUU MAJALIWA ATEMBELEA HOSPITALI YA MKOA WA ARUSHA, AANZA ZIARA YA MONDULI

Waziri Mkuu, Kassim Majaliwa akisalimiana na Waganga na Wauguzi wa hospitali ya mkoa wa Arusha ya Mount Meru wakati al;ipoitembelea Desemba 4, 2016.
Mmoja wa wauguzi katika hospitali ya mkoa wa Arusha ya Mount Meru akideki katika wodi ya wazazi wakati Waziri Mkuu, Kassim Majaliwa alipotembela wodi hiyo akiwa katika ziara ya mkoa wa Arusha Desemba 4, 2016.

Waziri Mkuu, Kassim Majaliwa akiwafariji wanawake waliolazwa kwenye wodi ya wazazi katika hospitali ya mkoa wa Arusha ya Mount Meru wakati alipotembelea wodi hiyo na kukuta wakiwa wamelala watatu kwenye kitanda kimoja Desemba 4, 2016.
Waziri Mkuu, Kassim Majaliwa akielekea kwenye wodi ya wazazi katika hospitali ya mkoa wa Arusha ya Mount Meru wakati a;lipoitembelea Desemba 4, 2016. Kulia kwake ni Mkuu wa Mkoa wa Arusha Mrisho Gambo.
Waziri Mkuu, Kassim Majaliwa akisalimiana na viongozi wa wilaya ya Monduli baada ya kuwasili kwenye Ofisi ya Mkuu wa wilaya hiyo kuanza ziara ya siku moja ya kazi wilayani humo Desemba 4, 2016. 

Waziri Mkuu, Kasssim Majaliwa akiwapungia wananchi wa Monduli baada ya kuwasili kwenye Ofisi ya Mkuu wa wilaya ya Monduli kuanza ziara ya kazi wilayani humo Desemba 4, 2016. (Picha na Ofisi ya Waziri Mkuu)

DKT. SHEIN ATEMBELEA KIJIJI CHA MKONJONI KASKAZI UNGUJA, ZANZIBAR

Rais wa Zanzibar na Mwenyekiti wa Baraza la Mapinduzi, Dk. Ali Mohamed Shein akisalimiana na Viongozi alipowasili katika kijiji cha Mkonjoni Wilaya ya Kaskazini B Unguja kuangalia ujenzi wa Skuli ya Sekondari Kijijini hapo.
Rais wa Zanzibar na Mwenyekiti wa Baraza la Mapinduzi, Dk. Ali Mohamed Shein akipata maelezo kutoka kwa Naibu Katibu Mkuu Wizara ya Elimu na Mfunzo ya Amali, Maalim Abdalla Mzee wakati alipotembelea Ujenzi wa Skuli mpya ya Sekondari katika Kijiji cha Mkonjoni Wilaya ya Kaskazini B Unguja kuangalia ujenzi wa Skuli ya hiyo.
Rais wa Zanzibar na Mwenyekiti wa Baraza la Mapinduzi Dk.Ali Mohamed Shein na Mkuu wa Mkoa wa Kaskazini Unguja Mhe,Vuai Mwinyi Mohamed wakiangalia kisima kiliopo katika kijiji cha Mkonjoni Wilaya ya Kaskazini B Unguja ambacho Wananchi wakijiji hicho hujipatia huduma ya maji kwa matatizo makubwa na usumbufu.
Vijana wa Kijiji cha Mkonjoni Jimbo la Kiwengwa ,Wilaya ya Kaskazini 'B' Mkoa wa Kaskazini Unguja walipokuwa wakimakaribisha Rais wa Zanzibar na Mwenyekiti wa Baraza la Mapinduzi Dk.Ali Mohamed Shein (hayupo pichani) mara alipowasili Kijijini hapo akiwa katika ziara maalum mbapo pia alipata nafasi ya nkuzungumza nao.
Wananchi wa ​Kijiji cha Mkonjoni Jimbo la Kiwengwa Wilaya ya Kaskazini 'B' Mkoa wa Kaskazini Unguja wakimsikiliza Rais wa Zanzibar na Mwenyekiti wa Baraza la Mapinduzi Dk.Ali Mohamed Shein (hayupo pichani) alipokuwa akizungumza na wananchi hao alipofanya ziara maalum ya kutembelea Kijiji hicho pia kuangalia Ujenzi wa Skuli Mpya inayojengwa na Wizara ya Elimu na Mafunzo ya Amali.
Rais wa Zanzibar na Mwenyekiti wa Baraza la Mapinduzi Dk.Ali Mohamed Shein alipokuwa akizungumza na wananchi wa ​Kijiji cha Mkonjoni Jimbo la Kiwengwa Wilaya ya Kaskazini 'B' Mkoa wa Kaskazini Unguja alipofanya ziara maalum ya kutembelea Kijiji hicho pia kuangalia Ujenzi wa Skuli Mpya inayojengwa na Wizara ya Elimu na Mafunzo ya Amali. Picha na Ikulu, Zanzibar.

VIJANA WAHIMIZWA KUSHIRIKI MICHEZO

Naibu Waziri wa Mambo ya Ndani ya Nchi Mhe.Hamad Massaun amewahimiza viajana nchini kushiriki michezo ili kuinua vipaji vitakavyowezesha Tanzania kupata wachezaji wazuri watakaoliwakilisha vyema taifa katika michezo ya kimataifa.

Massaun alitoa kauli hiyo jana wakati alipokuwa mgeni rasmi katika kilele cha michezo ya hisani iliyoandaliwa na klabu ya Gymkhana ya jijini Dar Es Salaam kwa lengo la kusaidia kituo cha michezo cha Jakaya Mrisho Kikwete Park  ambacho kinahudumia vijana katika michezo mbalimbali.

Massaun alisema ikiwa wazazi watawasimamia vyema watoto wao katika michezo tangu wakiwa wadogo basi hapo baadaye nchi yetu itakuwa na wachezaji wengi ambao wataiwakilisha vyema nchi katika masdhindano mbalimbali.

“Katika nchi nyingine wachezaji wakubwa hawakuibukia ukubwani, walianza kujiimarisha tangu udogo wao na ndio maana wanafanya vizuri hivyo na sisi tujielekeze huko ili tuwe  na wachezaji bora kama wao na serikali itaendelea kutoa msaada wa kila aina unaohitajika ili kufanisha azma hiyo ” Alisema Massaun.

Kwa upande wake Mkurugenzi wa Ufundi wa Kituo cha michezo cha Jakaya Mrisho Kikwete Park Bw. Ray Power alisema misaada itakayopatikana kutokana na michezo hiyo ya hisani itatumika kuwaendeleza vijana wadogo waliopo katika kituo hicho ambacho kimejumuisha michezo mbalimbali.

Katika kilele hicho Naibu Waziri Massaun alitoa zawadi mbalimbali kwa washindi katika michezo tofauti iliyoshirikishwa ikiwemo mpira wa miguu, tenesi, magongo na gofu. 
Naibu Waziri wa Mambo ya Ndani ya Nchi, Mhe.Hamad Massauni akisalimiana na wachezaji wa timu ya watoto kutoka shule ya IST ya jijini Dar es Salaam wakati alipokuwa mgeni rasmi katika michezo ya hisani iliyoandaliwa na klabu ya Gymkhana jana ikiwa na lengo la kusaidia kituo cha michezo cha Jakaya Mrisho Kikwete Park cha jijini Dar es Salaam.
Naibu Waziri wa Mambo ya Ndani ya Nchi, Mhe.Hamad Massauni (katikati) akiwa katika picha ya pamoja na wachezaji wa timu ya watoto kutoka shule ya IST (wenye jezi za blue) na timu ya watoto wa kituo cha Dar es Salaam Academy (wenye jezi nyeusi) kabla ya mchezo wao wakati alipokuwa mgeni rasmi katika michezo ya hisani iliyoandaliwa na klabu ya Gymkhana jana ikiwa na lengo la kusaidia kituo cha michezo cha Jakaya Mrisho Kikwete Park cha jijini Dar es Salaam.
Naibu Waziri wa Mambo ya Ndani ya Nchi, Mhe.Hamad Massauni akimkabidhi kombe la ushindi nahodha wa timu ya watoto wa kituo cha Dar es Salaam Academy baada ya kuibuka mabigwa katika michezo ya hisani iliyoandaliwa na klabu ya Gymkhana jana ikiwa na lengo la kusaidia kituo cha michezo cha Jakaya Mrisho Kikwete Park cha jijini Dar es Salaam.
Naibu Waziri wa Mambo ya Ndani ya Nchi, Mhe.Hamad Massauni akikabidhiwa zawadi na Katibu wa Klabu ya Gymkhana ya jijini Dar es Salaam Khalal Rashid wakati alipokuwa mgeni rasmi katika michezo ya hisani iliyoandaliwa na klabu hiyo jana ikiwa na lengo la kusaidia kituo cha michezo cha Jakaya Mrisho Kikwete Park cha jijini Dar es Salaam.
Naibu Waziri wa Mambo ya Ndani ya Nchi, Mhe.Hamad Massauni akizungumza na Mkurugenzi wa ufundi wa kituo cha michezo cha Jakaya Mrisho Kikwete Park cha jijini Dar es Salaam Bw. Ray Power wakati alipokuwa mgeni rasmi katika michezo ya hisani iliyoandaliwa na klabu ya Gymkhana.
Naibu Waziri wa Mambo ya Ndani ya Nchi, Mhe.Hamad Massauni (mwenye jezi nyekundu aliyesimama) akiwa katika picha ya pamoja na timu ya maveterani ya Gymkhana Dar es Salaam wakati alipokuwa mgeni rasmi katika michezo ya hisani iliyoandaliwa na klabu ya Gymkhana kwa ajili ya kuchangia kituo cha michezo Jakaya Mrisho Kikwete Park cha jijini Dar es Salaam.
Mchezaji wa timu ya watoto kutoka shule ya IST, Jack Jere (kushoto) akijaribu kumtoka Mohamed Mchamungu wa timu ya watoto wa kituo cha Dar es Salaam Academy wakati wa michezo ya hisani iliyoandaliwa na klabu ya Gymkhana ikiwa na lengo la kusaidia kituo cha michezo cha Jakaya Mrisho Kikwete Park cha jijini Dar es Salaam .(Picha na Frank Geofray-Jeshi la Polisi)