Sunday, August 28, 2016

Serikali kubadili mtaala wa elimu wa darasa la tatu na la nne

Mmoja wa wanafunzi wahitimu wa darasa la saba katika Shule ya Awali na Msingi ya Genius Kings ya jijini Dar es Salaam, akimuonesha mgeni rasmi wa mahafali ya tano ya shule hiyo, Kaimu Afisa Elimu Wilaya ya Ilala Asha Mapunda (wa pili kushoto) darubini na jinsi inavyofanya kazi. Wanafunzi 65 wa shule hiyo wanatarajiwa kuihtimu elimu ya msingi mwaka huu.
Mwanafunzi Bora katika somo la Sayansi katika Shule ya Awali na Msingi ya Genius Kings ya jijini Dar es Salaam, Neema Richard akimuonesha mgeni rasmi Kaimu Afisa Elimu Wilaya ya Ilala Asha Mapunda(kulia), jinsi ya kuhifadhi kiumbe mfu kwa kutumia ‘Formalin’.Kulia kwake ni Mwenyekiti wa Kamati ya Shule Dkt. Jesse James.Kushoto ni Mkurugenzi Julius Rutabanja na Mkurugenzi Mtendaji wa shule hiyo Machage Kisyeri na wa tatu kulia ni Mratibu wa Elimu Kata ya Segerea, Flora Vincent.
Wahitimu wa darasa la saba katika Shule ya Awali na Msingi ya Genius Kings ya jijini Dar es Salaam, Neema Richard na mwenzake wakimuonesha mgeni rasmi Kaimu Afisa Elimu Wilaya ya Ilala Asha Mapunda, chura aliyehifhadhiwa kwa kutumia ‘Formalin’ katika maabara ya shule hiyo.
Mgeni rasmi wa mahafali ya tano ya Shule ya Awali na Msingi ya Genius Kings ya jijini Dar es Salaam, Kaimu Afisa Elimu Wilaya ya Ilala Asha Mapunda, akiangalia kifaa kinachotumika katika mfumo wa umeme wa kompyuta wakati akitembelea maonesha ya wahitimu wa shule hiyo.
Mkurigenzi Mtendaji wa Shule ya Awali na Msingi ya Genius Kings ya jijini Dar es Salaam, Machage Kisyeri akiingiza kijiti kilichowashwa moto ndani ya ‘test tube’ kuzalisha hewa ya oksijeni ikiwa ni sehemu ya maonesho ya wahitimu wa shule hiyo wakionesha jinsi ya.Kulia ni mgeni rasmi wa mahafali ya tano ya shule hiyo, Kaimu Afisa Elimu Wilaya ya Ilala Asha Mapunda, akishuhudia.
Kikundi cha Skauti cha Shule ya Awali na Msingi ya Genius Kings ya jijini Dar es Salaam, kipiga saluti wakati wa kuimba wimbo wa Taifa kabla ya kuanza kwa mahafali ya tano ya wahitimu wa darasa la saba wa shule hiyo.
Kikundi cha kwaya cha Shule ya Awali na Msingi ya Genius Kings ya jijini Dar es Salaam, wakiimba wimbo kwenye mahafali ya tano ya wahitimu wa darasa la saba wa shule hiyo yaliyofanyika jijini Dar es Salaam.
Kikundi cha Skauti cha Shule ya Awali na Msingi ya Genius Kings ya jijini Dar es Salaam,kikionesha umahiri katika mchezo wa Karate kwenye mahafali ya tano ya wahitimu wa darasa la saba wa shule hiyo yaliyofanyika jijini Dar es Salaam.
Mkuu wa Shule ya Awali na Msingi ya Genius Kings ya jijini Dar es Salaam, Aloyce Siyame akisoma ripoti ya shule kwa mgeni rasmi wa mahafali ya tano ya shule hiyo, Kaimu Afisa Elimu Wilaya ya Ilala Asha Mapunda(hayupo pichani).
Mkuu wa Shule ya Awali na Msingi ya Genius Kings ya jijini Dar es Salaam, Aloyce Siyame akisalimiana na mgeni rasmi wa mahafali ya tano ya shule hiyo, Kaimu Afisa Elimu Wilaya ya Ilala Asha Mapunda, kabla ya kumkabidhi ripoti ya shule hiyo.
Mwanasarakasi akionesha ujuzi wake kwenye mahafali ya tano ya Shule ya Awali na Msingi ya Genius Kings ya jijini Dar es Salaam.
Mkurungenzi Mtendaji wa Shule ya Awali na Msingi ya Genius Kings ya jijini Dar es Salaam, Machage Kisyeri akiwasilisha Taarifa ya maendeleo ya shule hiyo kwa mgeni rasmi.
Mkurungenzi Mtendaji wa Shule ya Awali na Msingi ya Genius Kings ya jijini Dar es Salaam, Machage Kisyeri, akijumuika na wanafunzi wa shule hiyo kucheza ngoma ya asili ya mkoani Mara.
Wahitimu wa darasa la saba mwaka 2016 wa wa Shule ya Awali na Msingi ya Genius Kings ya jijini Dar es Salaam, wakiimba wimbo wa kuaga.
Mgeni Rasmi katika Mahafali ya tano ya Shule ya Awali na Msingi ya Genius Kings ya jijini Dar es Salaam, Kaimu Afisa Elimu Wilaya ya Ilala Asha Mapunda akizungumza katika hafla hiyo.Kushoto ni Mwenyekiti wa Kamati ya Shule Dkt. Jesse James na kulia ni Mkurugenzi Mtengaji wa shule hiyo Machage Kisyeri.
Mkurugenzi wa Shule ya Awali na Msingi ya Genius Kings ya jijini Dar es Salaam, Imelda Machage (kushoto) na Mkurugenzi mwenzake Julius Rutabanja, wakimkabidhi zawadi mgeni rasmi katika mahafali ya tano ya shule hiyo, Kaimu Afisa Elimu Wilaya ya Ilala Asha Mapunda.
Mgeni rasmi katika mahafali ya tano ya Shule ya Awali na Msingi ya Genius Kings ya jijini Dar es Salaam, Kaimu Afisa Elimu Wilaya ya Ilala Asha Mapunda (wa tatu kushoto waliokaa) akiwa kwenye picha ya pamoja na wahitimu wa darasa la saba wa shule hiyo.
Wahitimu wa darasa la saba Shule ya Awali na Msingi ya Genius Kings ya jijini Dar es Salaam, wakiwa kwenye picha ya pamoja. Picha na Hussein Makame-MAELEZO.

SERIKALI inajianda kufanya mabadiliko ya mtaala wa elimu wa darasa la tatu na la nne ili kukidhi mahitaji ya elimu nchini ambayo yanabadilika kulingana na muda.

Akizungumza kwenye mahafali ya tano ya Shule ya Awali na Msingi ya Genius Kings mwishoni mwa wiki hii jijini Dar es Salaam, Kaimu Afisa Elimu wa manispaa ya Ilala Asha Mapunda, alisema tayari mitaala ya darasa la kwanza na la pili imeshabadilishwa.

Mapunda aliwataka wamiliki na waendeshaji wote wa shule binafsi katika manispaa ya Ilala kuzingatia kwa ukamilifu taratibu na sheria za nchi katika uendeshaji wa shule binafsi.

“Zingatieni pia mitaala inayotolewa na Serikali.Hivi karibuni kumekuwa na mabadiliko katika mtaala ya madarasa ya kwanza na pili, kutakuwa pia na mabadiliko ya mtaala katika madarasa mengine la tatu na la nne” alisema Mapunda na kuongeza kuwa: “Hivi ninavyosema kuna baadhi ya walimu wetu wa darasa la tatu na la nne wako kwenye mafunzo.Lakini nina hakika kabisa hata shule za binafsi zitapata mafunzo hayo, kwa hiyo wala msijali.”

Aliwataka wamiliki na waendeshaji wa shule binafsi wasisite kuwasiliana ofisi ya elimu ya manispaa ya Ilala pindi wanapotaka ufafanuzi au maelekezo kutoka serikalini yanahitajika na Serikali itakuwa tayari kutoa msaada wowote utakaohitajika.

Alisema Serikali kwa ujumla na Manispaa yake inatambua mchango wa shule za binafsi katika kuendeleza elimu na inasisitiza na kutia moyo uwekezaji wa sekta binafsi katika nyanja ya elimu, kwani imedhihirika kwamba shule binafsi zimekuwa zikitoa mchango mkubwa katika kuendeleza sekta ya elimu nchini.

“Serikali kwa upande wake itaendelea kusaidia jitihada hizi kwa sera na miongozi ambayo imetolewa ili kuboresha mazingira ya uwekezaji katika sekta ya elimu” alisema Mapunda na kuongeza kuwa:

Mkurugenzi Mtendaji wa shule hiyo Machage Kisyeri alisema mafanikio ya shule hiyo yametokana na filosofia yao ya kuamini katika kujenga uwezo wa mtoto kimaadili, kinidhamu na umahiri wa kitaaluma.

“Genius pia tunaamini kuwa kumcha Mungu ni chanzo cha maarifa yote, hivyo shule yetu imeweka utaratibu mzuri unaowapa watoto wote wa dini tofauti fursa ya kufanya ibada pamoja na viongozi wa dini ambao tunafanya kazi nao kwa karibu sana” alisema Kisyeri.

Naye Mkuu wa shule hiyo Aloyce Siyame alisema katika mahafali hayo wanafunzi 65 wanatarajiwa kuhitimu mwaka huu ambapo kati yao 23 ni wanawake na 42 ni wanaume.

Takwimu zinaonesha ufaulu wa wanafunzi wanaohitimu mitahani ya darasa la saba kutoka katika shule hiyo umekuwa ukiimarika kila mwaka ambapo mwaka 2013 wanafunzi wanne kati ya wahitimu 32 walipata daraja A na mwaka 2015 wanafunzi 40 kati ya walihitimu 57 walipata daraja A.

Aidha udahili wa wanafunzi wa shule hiyo umekuwa ukiongezeka mwaka hadi mwaka ambapo mwaka 2013 wanafunzi 32 walihitimu na mwaka jana wanafunzi 57 walihitimi huku kukiwa na mwanafunzi mmoja tu aliyefaulu kwa wastani wa daraja C.

Akizungumzia nafasi ya shule hiyo katika shule bora kwenye mitihani ya kitaifa, Mkurugenzi Kisyeri alisema shule hiyo ilishika nafasi ya saba katika mithani ya mwaka 2013 hadi nafasi ya tano katika mitihani ya mwaka jana katika manispaa ya Ilala.

Akizungumzia umuhimu wa michezo, Mkuu wa shule Siyame alisema Watanzania wengi hawana mwamko wa michezo, huku wazazi na wadau wa elimu bado wakiiona michezo kama chanzo cha mmomonyoko wa maadili na kupunguza morali ya kusoma shuleni.

“Kwa upande wangu ninaona wakati umefika kwa Watanzania kubadilika kifikra kwani michezo ni ajira kama zilivyo ajira nyingine, pia inasemekana sasa hivi michezo ni ajira yenye malipo makubwa sana kwa hiyo tuwape fursa na tuwawezeshe watoto wetu kushiriki katika michezo.

Shule ya Genius Kings ilianzishwa mwaka 2008 ambapo baadhi ya wanafunzi wanaofanya vizuri kwenye matokeo ya mitihani ya kitaifa ya kumaliza elimu msingi hupatiwa udhamini wa masomo yao ambapo kwa mwaka huu ni wanafunzi watato watasomeshwa hadi kidato cha nne.

MATUKIO MKUTANO WA WAFANYABIASHARA KIGOMA NA WAZIRI WA FEDHA NA MIPANGO


Waziri wa Fedha na Mipango, Mhe. Dkt. Philip Mpango (kushoto) akimsikiliza kwa makini Bi. Rehema Kabuye (katikati) aliyekua akilia kwa uchungu, akimsihi Waziri huyo wa Fedha na Mipango, amsaidie ili mume wake ambaye ni Nahodha wa meli ya MV Liemba pamoja na wafanyakazi wengine wa Mamlaka ya Huduma za meli mkoani Kigoma, walipwe mishahara yao ya miezi nane ili kuwaondolea adha ya maisha inayowakabili wao na familia zao
Bi. Rehema Kabuye, (Katikati) ambaye ni mke wa Nahodha wa Meli ya Mv Liemba, inayotoa huduma zake Ziwa Tanganyika, akimwonesha Waziri wa Fedha na Mipango, Mhe. Dkt. Philip Mpango (Mb), picha za mtoto wake ambaye ana matatizo ya kiafya, akimsihi Waziri huyo amsaidie yeye pamoja na wenzake ili waume zao walipwe mishahara yao ya miezi 8 wanayomdai mwajiri wao, Mamlaka ya Huduma za Meli mkoani Kigoma.
Katibu wa Waziri wa Fedha na Mipango, Edwin Makamba (Kulia), akichukua maelezo ya kina kutoka kwa Bi. Rehema Kabuye, Mkazi wa Kigoma, ambaye amemwomba Waziri wa Fedha na Mipango, Mhe. Dkt. Philip Mpango (Mb), aingilie kati sakata la waume zao wanaofanya kazi kwenye mamlaka ya huduma za meli mkoani Kigoma, ambao hawajalipwa mishahara yao kwa muda mrefu.
Baadhi ya wafanyabiasha wa Kigoma Mjini, wakimsikiliza kwa makini waziri wa fedha na Mipango, Mhe. Dkt Philip Mpango (Mb) (hayupo pichani), wakati wa mkutano na Waziri huyo kuhusu masuala mbalimbali ya biashara na ulipaji kodi, mkutano uliofanyika katika ukumbi wa mikutano wa NSSF, mjini Kigoma.
Baadhi ya wafanyabiasha wa Kigoma Mjini, wakimsikiliza kwa makini waziri wa fedha na Mipango, Mhe. Dkt Philip Mpango (Mb), wakati wa mkutano na Waziri huyo kuhusu masuala mbalimbali ya biashara na ulipaji kodi, mkutano uliofanyika katika ukumbi wa mikutano wa NSSF, mjini Kigoma.

Baadhi ya maofisa wa Wizara ya Fedha na Mipango, wakifuatilia kwa makini hotuba ya Waziri wa Fedha na Mipango, Mhe. Dkt. Philip Mpango (Mb), wakati wa mkutano wake na wafanyabiashara wa Kigoma Mjini, mkutano uliofanyika katika ukumbi wa mikutano wa NSSF, mjini Kigoma.
Waziri wa Fedha na Mipango, Mhe. Dkt. Philip Mpango (Mb), aliyesimama kushoto, akiwahutubia wafanyabiasha wa Kigoma Mjini, kuhusu masuala mbalimbali ya biashara na ulipaji kodi, mkutano uliofanyika katika ukumbi wa mikutano wa NSSF, mjini Kigoma.
Katibu wa Jumuiya ya Wafanyabiashara mkoa wa Kigoma Bw. Raymond Ndabiyegetse (katikati) akichangia hoja katika kikao na Waziri wa Fedha na Mipango, Mhe. Dkt. Philip Mpango (hayupo pichani) ambaye alipongeza juhudi zinazofanya na Serikali katika kutengeneza mazingira mazuri ya biashara zao.
Mkurugenzi wa kampuni ya Aifola ya Mjini Kigoma, Bw. Zubery Mabie, akiongea kwa hisia kali akishutumu TRA na maafisa wengine wa serikali katika kituo kidogo cha Forodha cha Manyovu kilichoko mpakani mwa Tanzania na Burundi, kujihusisha na rushwa kwa kupitisha maroli yakiwa na mizigo, ikiwemo chokaa anayozalisha, bila kulipia kodi. Mhe. Dkt. Philip Mpango (Mb), ameahidi kulifanyiakazi suala hilo.
Mmoja wa wafanyabiashara wa Mjini Kigoma akichangia hoja katika mkutano ulioitishwa na Waziri wa Fedha na Mipango, Mhe. Dkt. Philip Mpango (Mb), kuhimiza ulipaji kodi, matumizi adili ya fedha za umma, matumizi ya Mashine za Kieletroniki na utoaji wa risiti, mkutano uliofanyika katika ukumbi wa mikutano wa NSSF, mjini Kigoma.

Askofu Mstaafu wa Kanisa la Anglican, Dkt. Gerard Mpango, akitoa mchango wake wa mawazo ambapo ameitaka serikali kutoa elimu ya kutosha ya biashara na ujasiriamali kwa wafanyabiashara nchini ili waweze kutumia fursa zilizopo katika soko la Afrika Mashariki, kukuza mitaji na biashara zao, wakati wa mkutano wa wafanyabiashara na Waziri wa fedha na Mipango, Mhe. Dkt. Philip Mpango (Mb), hayupo pichani, uliofanyika katika ukumbi wa mikutano wa NSSF, mjini Kigoma

Kamisha Msaidizi kutoka Wizara ya Fedha na Mipango, anayeshughulikia masuala ya kodi, Bw. Shogholo Msangi akifafanua kuhusu kodi ya Ongezeko la Thamani (VAT) kwa wafanyabiashara wa Kigoma Mjini wakati wa mkutano na Waziri wa Fedha na Mipango, Mhe. Dkt. Philip Mpango (mb).
Waziri wa Fedha na Mipango, Mhe. Dokta Philip Mpango (Mb), akizungumza na wafanyabiashara wa Kigoma Mjini, kuhusu masuala mbalimbali ikiwemo umuhimu wa kulipa kodi na matumizi ya mashine za kieletroniki pamoja na kuwasisitizia kutoa risiti kwa wateja wao. kushoto kwake ni Kamishna Msaidizi anayeshughulikia masuala ya kodi, Wizara ya Fedha na Mipango, Shogholo Msangi, mkutano uliofanyika katika ukumbi wa mikutano wa NSSF, mjini Kigoma.
Waziri wa Fedha na Mipango, Mhe. Dkt. Philip Mpango (Mb), akionesha rundo la makaratasi yaliyoandikwa hoja na kero mbalimbali za wafanyabiashara wa mjini Kigoma, wakati wa mkutano kati yake na wafanyabiashara hao, uliofanyika katika ukumbi wa mikutano wa NSSF, mjini Kigoma
Waziri wa Fedha na Mipango, Mhe. Dkt. Philip Mpango (Mb) (kushoto) akiwa katika picha ya pamoja na Askofu Dkt. Gerard Mpango, baada ya kumalizika kwa mkutano wake na wafanyabiashara wa Mkoa wa Mjini Kigoma, uliofanyika katika ukumbi wa mikutano wa NSSF, mjini Kigoma.

Waziri wa Fedha na Mipango, Mhe. Dkt. Philip Mpango (kushoto) akifurahia jambo pamoja na Mbunge wa Jimbo la Kigoma Mjini, Mhe. Zitto Kabwe, wakati wakitoka nje ya ukumbi wa mikutano wa NSSF, ulipofanyika mkutano kati ya Waziri wa Fedha na Mipango na wafanyabiashara wa mjini Kigoma.


Mbunge wa Kigoma Mjini, Mhe. Zitto Kabwe (kushoto), akisisitiza jambo wakati akizungumza na Waziri wa Fedha na Mipango,Dkt. Philip Mpango (Mb), baada ya kumalizika kwa mkutano kati yake na wafanyabiashara wa mjini Kigoma, uliofanyika katika ukumbi wa mikutano wa NSSF, mjini Kigoma.




Waziri wa Fedha na Mipango, Mhe. Dkt. Philip Mpango (Mb), (kushoto) akipeana mkono na Mbunge wa Kigoma Mjini Mhe. Zitto Kabwe, mara baada ya kumalizika kwa mkutano kati ya Waziri huyo na wafanyabiashara wa Mkoa wa Kigoma uliofanyika katika ukumbi wa NSSF, mjini Kigoma.

JAFO AFANYA ZIARA YA SIKU MBILI MKOA WA SHINYANGA NA GEITA


Naibu waziri Ofisi ya rais, Tamisemi, Selemani Jafo, akizungumza na wananchi nje ya kiwanda cha kukamulia alizeti mjini Chato.
Naibu waziri Ofisi ya rais, Tamisemi, Selemani Jafo, akikagua mashine za kukamulia mafuta ya alizeti mjini Chato.
Mkurugenzi wa mji wa Kahama, Andason Msumba akitoa maelezo kwa Naibu waziri Ofisi ya rais, Tamisemi, Selemani Jafo kuhusu mgogoro wa soko  wanalolitaka wananchi kutumika kwa maslahi ya wananchi wa mji huo. 
Naibu waziri Ofisi ya rais, Tamisemi, Selemani Jafo, akikagua mradi wa maji  kijiji cha Chankorongo wilayani Geita uliohujumiwa na watendaji na kumuagiza Katibu tawala wa mkoa wa Geita kuunda timu ya uchunguzi.

Naibu waziri Ofisi ya rais, Tamisemi, Selemani Jafo, akiwa katika harambe ya kuchangia madawati mkoani Geita, kulia kwake ni Mkuu wa mkoa huo Meja jenerali mstaafu Ezekiel Kiunga pamoja na Mwenyekiti wa harambee hiyo, Ignas Inyasi.
Naibu waziri Ofisi ya rais, Tamisemi, Selemani Jafo, akizungumza katika harambe ya kuchangia madawati mkoani Geita, ambayo alikuwa akimwakilisha Waziri Mkuu, Kassim Majaliwa.
NAIBU Waziri Ofisi ya Rais, Tawala za mikoa na serikali za mitaa(Tamisemi), Selemani Jafo amefanya ziara ya Siku mbili katika mikoa ya Shinyanga na Geita na kukagua miradi mbalimbali.

Akiwa Mkoani Shinyanga, Jafo alitembelea Hospitali ya Wilaya ya Kahama ambapo alijionea changamoto mbali mbali ikiwepo ya Jengo dogo linalotumiwa na kinamama wakati wakujifungua kutokana na hospitali hiyo kuzidiwa uwezo.

Kufuatia hali hiyo, Jafo amemuagiza Injinia wa Wilaya kuhakikisha wanaharakisha ujenzi wa Jengo kubwa la kisasa la kinamama kwani fedha zipo za Ujenzi huo ili wagonjwa wasiendelee kupata mateso kwa michakato ya Ujenzi mirefu isiyo na tija.

Kadhalika, akiwa wilayani Kahama, Naibu Waziri Jafo ametembelea Mradi wa Soko na kumuagiza Mkurugenzi wa Wilaya, Andason Msumba, kuhakikisha anakaa na timu yake ya Wataalamu ili kutatua mgogoro wa Soko hilo kwa Maslahi mapana ya wananchi wa Mji wa Kahama.

Amehitimisha Ziara yake mkoani Shinyanga kwa kuzungumza na Watumishi wa Halmashauri ya Mji wa Kahama na Halmashauri ya Msalala ambapo amewataka Watumishi kufanya kazi kwa kujituma huku wakiepuka Uzembe kazini,upendeleo, kupigana majungu, na kuchukiana.

Katika mkoa wa Geita, Jafo amekagua mradi wa Maji na Kiwanda cha kukamua mafuta ya Alizeti wilayani Chato huku akimuagiza Mhandisi wa Maji wa Wilaya hiyo kuhakikisha mradi unakamilika mapema kabla ya Mwezi wa 10 ili kuweza kusaidia kutatua changamoto ya Maji.

Amesema wananchi hawawezi kuwa na Upungufu wa Maji wakati kuna maji mengi ya Ziwa Victoria. Akikagua Mradi wa kiwanda cha kukamua Mafuta ya Alizeti, Jafo alimwagiza Mkurugenzi kuhakikisha anashirikiana na Sido ili kuweza kuukamilisha mradi huo haraka.

Akiwa njiani kuelekea Geita mjini, Jafo alipita Jimbo la Busanda wilaya ya Geita Vijijini na Kukagua Mradi wa Maji uliokamilika Kijijini Makondeko kisha Safari ikaelekea Kijiji cha Chankorongo ambapo kuna Mradi wa Maji wa muda mrefu usio kamilika ambapo mpaka sasa umetumia zaidi ya Bilioni moja na dalili za kukamilika bado.

Kufuatia hali hiyo, Naibu Waziri huyo amemwagiza Katibu tawala wa Mkoa wa Geita Selestine Gesimba kuunda tume maalum ya kuchunguza sakata la mradi huo wa maji wa Chankorongo ambapo wamepewa mwezi mmoja kukamilisha uchunguzi huo.

Alimwagiza Katibu Tawala Mkoa akishirikiana na Wakurugenzi wote kuhakikisha suara la Oprass linapewa kipaumbele kwa watumishi na linafanyika kwa wakati na ipasavyo. Naibu Waziri aliwahakikishia watumishi kuwa serikali inafuatilia changamoto mbalimbali zinazowakabili na kuwataka wawe na Subra.


Wakati huo huo, akiwa Mkoani Geita Jafo alimwakilisha Waziri Mkuu,Kassim Majaliwa katika Harambee ya ya kuchangia Madawati.

Katika harambe hiyo Jafo alihamasisha na kuweza kukusanywa kiasi cha Shilingi Bilioni Moja, mia saba arobaini Milioni , laki tano na elfu tisini na saba (1,740,597,000) Kiasi ambacho kilimfanya Mkuu wa Mkoa huo Meja Jenerali Mstaafu Ezekiel Kyunga kumshukuru sana Naibu waziri huyo kwani  hakutegemea kiasi hicho kikubwa cha Fedha kuweza kupatikana. 

DC MTATURU AWATAKA WANANCHI WALIOVAMIA ENEO LA HIFADHI KUHAMA NDANI YA MWEZI MMOJA

Afisa Mtendaji wa Kijiji cha Kaugere Beatus Kapatya akitoa ufafanuzi mbele ya Mkuu wa Wilaya ya Ikungi Mhe Miraji Jumanne Mtaturu.

Na Mathias Canal, Singida

Serikali ilitangaza eneo la Hifadhi ya msitu wa wananchi waliomo ndani mwaka 2003 ambao kutangazwa huko kuliashiria wananchi kuhama katika maeneo hayo ili kutoa fursa kwa serikali kusimamia kwa karibu eneo hilo lakini wananchi hao mpaka sasa hawajahama kwa kukaidi agizo hilo.

Jambo hili limemsukuma Mkuu wa Wilaya ya Ikungi Mhe Miraji Jumanne Mtaturu kufanya ziara na kuzungumza na wananchi wa maeneo hayo kwa lengo la kuwaelemisha juu ya uvunjaji sheria za nchi kwa kuendelea kusalia katika maeneo ambao wametakiwa kuhama jambo ambalo kama watashindwa kulitekeleza serikali itawatoa kwa nguvu kwani kwa kiasi kikubwa wanaharibu mazingira.

Akizungumza na Wananchi hao katika Kijiji cha Kaugeri Kata ya Mwaru Wilayani hapa Dc Mtaturu ametoa mwezi mmoja kwa wananchi hao kuhama haraka iwezekanavyo ili kupisha eneo hilo la Hifadhi ya msitu kufanya Kazi iliyokusudiwa kwa zaidi ya miaka kumi sasa.
Mkuu wa Wilaya ya Ikungi mhe Miraji Jumanne Mtaturu akisikiliza Afisa Mtendaji wa Kijiji cha Kaugere Beatus Kapatya akitoa taarifa juu ya kusimama kwa ujenzi wa Zahanati hiyo.

Mtaturu amesema kuwa Kwa mujibu wa sheria Kijiji kinapaswa kutoa Ardhi hekari zisizozidi hamsini kwa mwekezaji lakini uongozi wa Kijiji hicho umegawa kwa mwekezaji hekta 150 hadi 200 kinyume kabisa na taratibu za kiutendaji ukiwa ni pamoja na kuingia mikataba ya kinyonyaji.

Pamoja na hayo pia viongozi hao wametoa Ardhi hiyo bila kushirikisha wananchi jambo ambalo limeibua hisia Kali kwa wananchi ambao wanatambua uporwaji huo wa maeneo yao.

Kufuatia kadhia hiyo ya viongozi hao kugawaji Ardhi kinyume na taratibu Dc Mtaturu amewaweka lumande Mwenyekiti wa Kijiji cha Kaugeri Mange Nkuba, Aliyekuwa Kaimu Afisa Mtendaji Laurent Bomba, na mjumbe wa serikali ya Kijiji Paul Kilo huku Amani Clement ambaye alitoweka kabla Ya mkutano kumalizika anaendelea kutafutwa mpaka apatikane.
Mkuu wa Wilaya ya Ikungi mhe Miraji Jumanne Mtaturu akimsikiliza kwa makini Mwenyekiti wa Kijiji cha Kaugeri wakati akitoa maelezo wakati wa kikao cha serikali ya kijiji.

Katika hatua nyingine Dc Mtaturu ameagiza mkandarasi Samwel John kukamatwa na kuhojiwa kwa kushindwa kukamilisha ujenzi wa zahanati ya kijiji tangu Mwaka 2013 ambapo tayari alishapewa kitita cha shilingi milioni 19 kwa ajili ya kukamilisha ujenzi huo.

Hata hivyo pamoja na mkandarasi kukabidhiwa fedha hizo alianza ujenzi lakini jengo hilo halijafika hata kwenye Renta huku likiwa limejengwa chini kiwango.

Sambamba na hayo pia Mkuu huyo wa Wilaya ya Ikungi amemuagiza mkurugenzi wa Halamashauri ya Wilaya hiyo kupitia idara ya ujenzi kutoa taarifa kwanini hawakushiriki kutoa huduma za kiutaalamu katika kusimamia jengo hilo la umma kabla na wakati ujenzi unaanza.
Baadhi ya wananchi wakimsikiliza kwa Makini Mkuu wa Wilaya ya ikungi
Mkuu wa Wilaya ya Ikungi mhe Miraji Jumanne Mtaturu akitoa ufafanuzi wa mambo mbalimbali wakati wa ziara yake Wilayani humo
Umakini wa wananchi ukiwa umetawala wakati wa Mkutano wa Kijiji, Wilayani ikungi

BANDA LA MAONESHO LA TANZANIA LANG'ARA KWENYE MKUTANO WA TICAD VI

Naibu Waziri wa Mambo ya Nje na Ushirikiano wa Afrika Mashariki, Mhe. Dkt. Susan Kolimba akipokelewa na Kaimu Mkurugenzi wa TanTrade, Bw. Edwin Rutageruka mara baada ya kuwasili kwenye Banda la Maonesho la Tanzania yanayofanyika wakati wa Mkutano wa TICAD VI Jijini, Nairobi. Makampuni na Taasisi mbalimbali kutoka nchi za Afrika ikiwemo Tanzania na Japan yanashiriki maonesho hayo yanayolenga kuvutia wawekezaji na wafanyabishara. 
Mhe. Naibu Waziri akipata maelezo kuhusu bidhaa mbalimbali zinazozalishwa Tanzania zilizokuwepo kwenye Banda hilo. Bidhaa hizo ni pamoja na Kahawa, Majani ya Chai na Viungo vya chakula.
Banda la Tanzania kama linavyoonekana.
Mhe. Waziri akipata maelezo ya namna watu wa makampuni mbalimbali walivyovutiwa na kahawa ya Tanzania.
Mhe. Naibu Waziri akikaribishwa na Bi. Latifa Kigoda, Afisa Mwandamizi kutoka Kituo cha Uwekezaji Tanzania (TIC) alipotembelea banda la Tanzania.
Mhe. Naibu Waziri akisaini kitabu cha wageni bandani hapo.
Mhe. Naibu Waziri akisikiliza maelezo kutoka kwa Bi. Kigoda kuhusu namna TIC ilivyojipanga kutangaza fursa za uwekezaji kwa wawekezaji mbalimbali wanaohudhuria mkutano wa TICAD VI.
Bi. Kigoda akimpatia Jarida Maalum lililoandaliwa na TIC kwa ajili ya kuvutia wawekezaji waliohudhuria mkutano wa TICAD VI.
Bi. Kigoda akimpatia maelezo Kaimu Balozi wa Tanzania nchini Kenya, Bi. Talha Waziri ambaye alikuwa amefuatana na Mhe. Naibu Waziri.
Mmoja wa wageni aliyetembelea bandani hapo akipata maelezo ya fursa za uwekezaji zilizopo nchini kutoka kwa Bi. Kigoda.
Naibu Waziri wa Mambo ya Nje na Ushirikiano wa Afrika Mashariki, Mhe.Dkt. Susan Kolimba akipata maelezo kutoka kwa Bw. Lameck Borega, Meneja wa Uwekezaji wa EPZA. 
Mhe. Dkt. Kolimba akimpatia ushauri wa namna ya kuwashawishi wawekezaji kuja nchini kuwekeza kupitia EPZA.
Mhe. Naibu Waziri akiwa amewasili kwenye Banda la Bodi ya Utalii Tanzania (TTB) na kupatiwa maelezo na Bi. Alistidia Karaze, Afisa Utafiti Mkuu kwenye Bodi hiyo.
Mhe. Naibu Waziri akimpatia ushauri Bi. Karaze wa namna ya kuboresha huduma za utalii nchini ikiwemo maonesho ili kuvutia watalii wengi zaidi kutembelea nchini.